En primeiro lugar, a galería de vídeos que mantiñamos en Vodpod deixou de ser eficaz na procura de materiais. A continuación, Scribd, onde tiñamos unha máis que interesante andel de documentos, decidiu eliminar a funcionalidade de «Grupos» e perdeu todo o seu valor para nós. Para rematar, Slideshare, a nosa galería de presentacións, eliminou tamén a súa opción de compartir en grupo. Ante isto, en Chiron decidimos centralizar todos estes servizos no noso marcador social en Diigo:

• Estamos marcando coa etiqueta «documento» todo o que imos recuperando do grupo de Scribd (recordamos que si están activos os grupos en Issuu e Calameo).
• Creamos un grupo específico en Diigo para o material multimedia, onde distinguimos coas etiquetas vídeo, audio e presentación.

Animamos a todos os chironianos a colaborar nestas novas canles. Intentamos explicar os distintos medios de colaboración en Chiron na nosa «Guía rápida«, pero se alguén ten algunha dúbida, o noso correo está aberto a calquera consulta.

Convidámoste a que comentes qué che parece este cambio de aspecto, e a que des ideas que axuden a mellorar o portal ou calquera dos demás servizos. Estás na túa casa. E, por suposto, ¡feliz ano 2012!

La SEEC ha decidido conceder este premio a la Asociación Chiron por la encomiable labor que está llevando a cabo a través del portal de Internet  www.chironweb.org, que ha conseguido desarrollar un «proyecto colaborativo» que aúna los trabajos que los profesores de nuestras materias venían realizando de manera individual. El resultado ha sido la creación de un sitio web dedicado al Mundo Clásico, en el cual colaboran desinteresadamente centenares de personas y que ha generado una enorme ilusión y un inusitadamente fructífero intercambio de opiniones y experiencias entre profesores y alumnos de Griego, Latín y Cultura Clásica, y también entre quienes, en general, se interesan por la Antigüedad grecorromana. Se trata, en nuestra opinión, de una labor valiosísima, que ha alcanzado una difusión extraordinaria y ha generado entre nuestros docentes y alumnos una ilusión que consideramos muy importante para el futuro de nuestros estudios, y que está sirviendo también para poner de manifiesto el entusiasmo, la dedicación y la preparación de los profesores de Latín, Griego y Cultura Clásica. Queremos destacar igualmente el carácter innovador de la experiencia, que está sirviendo de modelo para otras áreas de conocimiento, en España y fuera de España.

Hai xa máis de cinco anos que este proxecto colaborativo se puxo en marcha e dende entón medramos extraordinariamente. Ninguén imaxinaba que iamos chegar onde estamos, compartindo cada día miles de recursos sobre o mundo clásico, desde sitios moi distantes, de forma desinteresada, contaxiando entusiasmo, vivindo ao pé da letra o espírito 2.0, todos lectores, todos autores. Agora esta gran idea que creceu sen nomes nin apelidos merece o recoñecemento da SEEC, situando o noso traballo de promoción e defensa dos estudos clásicos ao mesmo nivel que iniciativas como a Biblioteca Clásica da editorial Gredos, a Fundación Bernat Metge, o Consello Superior de Investigacións Científicas, o Museo Romano de Mérida ou Ediciones Clásicas. Agradecemos á SEEC este recoñecemento que valoramos moi especialmente.

Como tantas veces dixemos, Chiron somos todos, os que achegan materiais, os que os usan, os que xestionan o portal, os que o visitan sen deixar pegada. O premio e o recoñecemento é para todos eles, para todos nós. Como queremos que un premio tan importante sexa compartido, propómosche que escribas na rede, ou nos comentarios a este artigo, algunhas palabras sobre que é para ti Chiron. Se usas unha rede social, utiliza #chironweb para seguir o rastro das intervencións. Veremos todas as intervencións neste lugar.

Anímate a contar unha actividade que fixeras con alumnos e que che resultara un éxito. No fai falla que sexan grandes propostas, senón cousas reais e concretas. Tampouco se trata de compartir recursos (para iso está a wiki de recursos e outros servizos como Slideshare, Issuu, Google Docs, Slideboom, SlideServe, etc), senón de explicar a outros compañeiros o desenvolvemento da actividade, os recursos que se utilizaron, o nivel e materia no que se levaron a cabo.

Regalas unha idea e devólvenche centenares máis. Apetéceche participar?

Completa este formulario e forma parte da comunidade de clásicos que compartiron unha idea en Chiron.

A solicitude, a firma en apoio da mesma e a información para a súa difusión poden verse aquí:

Se esta iniciativa che parece interesante, podes asinar e difundila

O curso está concibido como continuación, actualización e profundización do celebrado en novembro de 2008, que tan boa acollida tivo e cuxos materiais foron recollidos no libro Chiron en Compostela: didáctica 2.0 para las lenguas y la cultura clásicas. Esta edición, ademais da participación de Chiron, contará coa presenza de membros da Asociación Ludere et Discere de Sagunt, que presentarán algúns dos seus talleres de Cultura Clásica.

O curso, homologado pola Consellería de Educación a efectos de Formación do Profesorado con 30 horas, terá una fase virtual a través da plataforma Moodle da SEEC-Galicia.

Esperamos que a proposta resulte interesante para o profesorado de clásicas de Galicia.

Máis información e matrícula, na web de la Sección de Galicia da SEEC.

Un ano máis, coincidindo coa celebración do día de Internet (17 de maio), Chiron concede os seus Centauros de Ouro, a aqueles blogs de temática clásica, mantidos por alumnos, que constitúen un exemplo a seguir e un estímulo para fomentar o amor polo mundo grecorromano.

Nesta quinta convocatoria, o Centauro de Ouro correspondeu aos blogs:

• El cuaderno de Lara, blog de Lara Escobar, alumna de 2º de bacharelato do IES Santiago Apóstol (Almendralejo).
• L’empremta d’Orfeu, espazo de Oriol García-Penche «Deka», alumno de 2º de bacharelato del IES Cristòfol Ferrer (Premià de Mar).
• El vaixell d’Odisseu, blog de aula da Escola Vedruna-Gràcia (Barcelona).

Por outra banda unímonos ás felicitaciones ao blog de aula Aracne fila i fila por ter obtido o primeiro premio na V edición dos premios Espiral Edublogs. O traballo dos alumnos do IES Cristòfol Ferrer xa foi merecedor dun Centauro de Oro no 2009.

Desde Chiron queremos felicitar sinceiramente a todos os premiados, á vez que os animamos a seguir coa súa labor, e desexamos que cunda o exemplo entre os estudantes que teñen verdadeira estima polo mundo clásico.

Os premios non teñen asociada ningunha contraprestación económica, soamente o recoñecemento por parte dos usuarios de contribuír de forma relevante á difusión, bo uso e desenvolvemento de Internet.

A votación dos premios realízase de xeito mixto: un terzo da puntuación corresponde a votación popular, o resto á valoración dun xurado.

Pódese votar ata o 30 de abril acudindo á candidatura de Chiron na páxina dos premios.

Coñeceranse os finalistas entre o 6 e o 10 de maio. O veredicto final e entrega dos premios será o 17 de maio, día mundial de Internet.

Animamos a todos os seguidores de Chiron a participar cos seus votos.

Desde Chiron propómosche formar parte desta iniciativa xurdida baixo a inspiración da lectura colectiva do Quijote. Leamos entre todos a Odisea e a Eneida na lingua na que foron escritas. Calquera pode facelo, implica aos teus alumnos, chama aos teus amigos, invita a aqueles compañeiros que estudaron grego e latín contigo. Só necesitas unha cámara de vídeo (ou webcam) e conexión á rede.

Participar é moi fácil:

• Completa o formulario co teu nome e correo (Odisea, Eneida)
• Porémonos en contacto contigo para asignarche un fragmento entre 20 e 60 versos.
• Terás unha semana para gravar un vídeo coa lectura dese fragmento, subilo á túa conta de youtube e mandar a ligazón.
• O teu vídeo aparecerá nunha lista de reprodución (canle da Odisea, canle da Eneida) na que se recollerán todas as lecturas enviadas.

Vas perder a oportunidade de participar?