Blogs en Χείρων·Chiron » AGE, ASCENDE SVPERIVS!

« Expand/Collapse

AGE, ASCENDE SVPERIVS!

April 30, 2013
De conventu eo apud Anticariam nuper habito
» ‎ AGE, ASCENDE SVPERIVS!

De conventu eo apud Anticariam nuper habito
June 23, 2012
De imaginibus ad Certamen Ciceronianum nonnullis
» ‎ AGE, ASCENDE SVPERIVS!

Salvete omnes!
Novas neque spernendas, ut fama, de Certamine Ciceroniano habemus imagines, quas liberrimo animo palam ad vos offerendas pergratissimum credamus.
Quarum aliae a diurnariis Italis eis Arpini illo die munere fungentibus suo, aliae vero nostro Marte a nobis exceptae aptaeque sunt. Universae autem, quid aliud nisi eae vobis valde placeant vellemus?
May 31, 2012
De discipulo Roderico in Certamine Ciceroniano honorato
» ‎ AGE, ASCENDE SVPERIVS!

Salvete omnes amici sodalesque!Gaudio permagno immensaque laetitia vobis palam illud faustissimi nuntiamus, Rodericum Conesa nostrum, discipulus optimus apud nos Legionenses qui suam scholarem agit vitam, laurea corona haud minoris momenti ponderisque in XXXII editione Certaminis Ciceroniani nuper Arpini celebrati esse donatum et honoratum.

Stephanus Berchez de praemio impetrato Roderico congratulans
Quod enim Certamen unoquoque anno in urbe ea celebratur non magna, quam primam oculis suis modo apertis homines qui fuerunt ibi nati Marius, Cicero ipse necnon Agrippa notissimi inter antiquos, Marcellus Mastroniani, Ennius Morricone aliique apud modernos conspexerunt.

De Certamine ergo, quid sit dicendum? Crederes enim, si occasio tibi fuerit adeundi, crederes dico peregrinum mundum te explorare: videres ibi tot atque tales frequentioresque adulescentes totius ex Europae civitatibus oriundos amore linguae Latinae ita captos, qui liberrimo animo locum non tam facile intellectu Ciceronianum intelligendi, unusquisque eorum suos in singulos sermones convertendi, immo explanandi necnon commentandique validi peritique esse viderentur. Excipiendus hac ex ratione Rodericus noster sit, qui quidem sua doctrina et peritia textum e libro illo inscripto De Republica depromptum non suo proprio sermone, Latine sane neque id male est commentatus.
Rodericus a duabus ornatissimis puellis comitatus viae stratae insistens praemiumque accepturus.
Hispanus grex una cum legato Italo Valentino Gabriele praemium celebrantes.

Discipuli Hispani una cum Valentino Gabriele.
A sinistra ad dexteram Flavia, Maria, Iordanus, Iohannes Carolus, Sara, Rodericus, Marina et Brunus.
Sed quid de hora illa, qua moderatores praemia concedenda esse decreverunt, sit dicendum? Accedit enim ad palaestra adulescens quidan Italus tertium in serie praemium recepturus, qui ita expedite atque faciliter sermone Latino coram circunstantibus est locutus, ut revera statim in mentem omnium illud venerit, res ergo mutari videantur, in melius hercle!
Ecce magistri magistraeque Hispani:
a sinistra ad dexteram Stephanus Berchez, Maria Dolores Limo, Amparo Gómez, Azucena Vidal, Gregorius Galán, Ansgarius Legionensis et Mercedes Sahuquillo.
Constat enim Certaminis huius anni participes plus quem trecentos fuisse discipulos discipulasque, qui iam superiorem ad Latinitatem gradum pervenerant: de qua re illud nobis Hispanis multum est dolendum, quod fere soli versamur tanta in caterva scholastica, qui exiguo nimis atque brevissimo temporis spatio adhibito linguas sive Latinam sive Graecam colendas adimus: videas contra Germanos, Austriacos, Italios, Polonos, alios tandem, quibus sex aut septem continuatos annos curriculum classicum copia est persequendi. Quid faciamus...! Speremus fore ut meliora et excultiora ad nos mox veniant tempora!
Unde iam illud excogitari potest, discipulos Hispanos maiore in gloria esse reputandos, qui quidem tam pauca occasione erudiendi animum functi, doctrinam non paucam et peritiam adepti sint...!

Quod ad locum Cicerionianum convertendum et commentandum, ecce:

"De Republica" liber I cap. 9

An sapientis sit rei publicae accipere habenas

Illa perfugia quae sumunt sibi ad excusationem, quo facilius otio perfruantur, certe minime sunt audienda, cum ita dicunt accedere ad rem publicam plerumque homines nulla re bona dignos, cum quibus comparari sordidum, confligere autem multitudine praesertim incitata miserum et periculosum sit. Illa autem exceptio cui probari tandem potest, quod negant sapientem suscepturum ullam rei publicae partem, extra quam si eum tempus et necessitas coegerit? Quasi vero maior cuiquam necessitas accidere possit quam accidit nobis; in qua quid facere potuissem, nisi tum consul fuissem? Consul autem esse qui potui, nisi eum vitae cursum tenuissem a pueritia, per quem equestri loco natus pervenirem ad honorem amplissimum? Non igitur potestas est ex tempore aut cum velis opitulandi rei publicae, quamvis ea prematur periculis, nisi eo loco sis ut tibi id facere liceat. Maximeque hoc in hominum doctorum oratione mihi mirum videri solet, quod qui tranquillo mari gubernare se negent posse, quod nec didicerint nec umquam scire curaverint, iidem ad gubernacula se accessuros profìteantur excitatis maximis fluctibus. Isti enim palam dicere atque in eo multum etiam gloriari solent, se de rationibus rerum publicarum aut constituendarum aut tuendarum nihil nec didicisse umquam nec docere, earumque rerum scientiam non doctis hominibus ac sapientibus, sed in illo genere exercitatis concedendam putant. Quare qui convenit polliceri operam suam rei publicae tum denique si necessitate cogantur, cum, quod est multo proclivius, nulla necessitate premente rem publicam regere nesciant?

At hactenus hodie. Iam proximis enim diebus maiorem vobis omnibus, lectoribus suavissimis, afferemus de hac re notitiam, eamque nos promittimus multis imaginibus pelliculaque quadam exornatam tradendam. Non enim bene omnia taliaque uno ictu...

Congratulamur denuo discipulis nostris universis, Roderico scilicet quam maxime, qui tam lautam pugnarunt pugnam, quibuscum dies ita iucundiores luceque plenos apud Italos degerimus...!

Valeatis quam optime, amici, atque gaudio nostro fruamini partito!
April 29, 2012
De discipulis ad Institutum Biblicum et Orientale adeuntibus
» ‎ AGE, ASCENDE SVPERIVS!

Ecce discipuli eorumque magistri duo ad Institutum Biblicum et Orientale adeuntes..! Illud est notandum, Petrum enim Blanco illum, optimus qui est professor linguae Sumerianae eo in Instituto tanta, qua multum pollet, humanitate nos invitavisse constare, cuius causa invitationis, quid nobis faciendum, nisi eo convenire?

Qui quidem Petrus professor non modo aedificium monstrare, immo lectionem, qua est doctrina, eruditissimam lautissimamque de cultu atque humanitate Mesopotamico eiusque erga nos homines hodiernae aetatis momento habere agitareque voluit.
Gratias perplurimas tibi, Petre amicissime! Speramus fore proxima sit occasio te conveniendi!
April 28, 2012
De discipulis illis Latine loquentibus eisdemque omnino furentibus!
» ‎ AGE, ASCENDE SVPERIVS!

Oportet enim sciatis abhinc aliquot temporis illam apud nos exstare quasi consociationem notissimam nomine Vos Quattuor ubique evulgatam. Quae quidem consociatio si quis quid faciat quidve quae consilia excogitet facienda cognoscere velit, videat modo has imagines, quibus furiosa atque omnino eorum sodalium disperdita mens adumbrari potest...!

O discipuli, quam audaces alacresque vos ipsos praebetis...! Pro comperto ergo illud habeatis, etiam si Latina quam adhibuistis lingua non tam pura immo aliquot mendis inquinata esse videatur, vos felices laetosque in Latinitatem vitae vestrae inmiscendo prorsus apparere, id quod mihi, qui tantam navavi operam vobis in eam informandis linguam, quid aliud nisi omnino laetabundus evadam efficiat?
Valeatis semper una cum sodalibus vestris, Vos Quattuor illi...!
March 19, 2012
De Certamine Ciceroniano apud nos nuper celebrato
» ‎ AGE, ASCENDE SVPERIVS!

Salvi sitis!
De Certamine Ciceroniano nobis nunc temporis dicturis illud occurrit, die 16 superioris mensis Februari cum quinque adfuissent participantes discipuli, probationem de loco quodam Ciceroniano tractantem esse confectam. Qui locus, a libro inscripto De Amicitia excerptus, quattuor per horas non modo interpretandus, immo quoque ratione ad syntaxim necnon ad cultum atque mentem quibus Cicero usus sit discipulis commentandus erat.
Quo ex recentissimo certamine discipulus ille nomine Rodericus Conesa Campos victor evasit, qui quidem Latinae linguae in lyceo c.n. Iohannes Enzina iam tres annos studet.
Rodericus Conesa medio in photographemate ostenditur
Gratulamur valde discipulo atque omnia prospera ei ominamur omina, qui mense Maio Arpinate in oppido una cum condiscipulis ex toto terrarum orbe oriundis nova fruetur occasione sive Ciceronem illum quodam modo callendi sive iuvenes similiores conveniendi quibuscum consuetudo ususque haberi liceat.
Addimus quoque probationis propositae exemplar, unde illud iam patet, quemdam oporteat Ciceronis habeas notitiam si id intellegere atque commentari velles...

Valeatis quam opime!

Certamen Ciceronianum de textu anno MMXII proposito
March 06, 2012
De litteris Graecis Latinisque post hominum memoriam...
» ‎ AGE, ASCENDE SVPERIVS!

Hunc si pulsaveris nexum quasi conspectum fere totius historiae litterarum sive Graecarum sive Romanarum ante oculos pones tuos
Literatura Clásica Timeline | Preceden Timeline Maker
January 08, 2012
[nt]
» ‎ AGE, ASCENDE SVPERIVS!
November 05, 2011
De carminibus Catullianis a discipulis recitatis
» ‎ AGE, ASCENDE SVPERIVS!

Christina recitans
Ir a descargar
Ir a descargar
Daniel recitans
Ir a descargar
Ir a descargar
Rodericus recitans
Ir a descargar
Ir a descargar
Ir a descargar
Ir a descargar
March 24, 2011
De excursione Gigiam nuper facta
» ‎ AGE, ASCENDE SVPERIVS!

Die 22 huius mensis, die scilicet Martis, non modicus discipulorum grex una cum tribus eorum magistris, quorum alii ad linguam Latinam, alius autem ad Graecam pertinent, Gigiam urbem petiverunt eo consilio manifesto, ut vestigia Romana ibi manentia, thermas nempe Romanas easque mirificas, viderent explorarent lustrarentque.
Quibus conspectis vestigiis, ad Theatrum Gigionense nomine Jovellanos discipuli magistrique suos rexerunt pedes fabulam eam Plautinam TRVCVLENTVS inscriptam conspecturi, quam actores tali hilaritate iucunditateque adhibitis egerunt ut nemo omnium quin rideret immo cachinnaret fuerit...!
Iam vesperi atque prandio confecto Aquarium id pulcherrimum prope oppidum situm non omnes visitavimus viatores, quorum varietas tanta piscium eorumque diversa genera ita allexerunt intentionem ut plurimis imaginibus photographematibusque exceptis non rari qui promitterent alia occasione futura huc sese venturos fuerint.
Id quod nostris quoque in votis est faciendum!
Valete omnes!
February 07, 2011
De carmine illo Catulliano notissimo a discipulis discipulabusque recitato
» ‎ AGE, ASCENDE SVPERIVS!

Ir a descargar

Ir a descargar

Ir a descargar

Ir a descargar

Ir a descargar

Ir a descargar

Ir a descargar
January 29, 2011
De Asturica Augusta lustrata
» ‎ AGE, ASCENDE SVPERIVS!

Die 26 proximo, die videlicet Mercurii, parvus discipulorum discipularumque grex una cum Ansgario eorum magistro oppidum illud cum notissimum tum splendidissimum idemque plurima ad Romanos cultum et humanitatem quae pertinent vestigia servans viserunt lustraveruntque.
Quae enim excursio Iesu nostro archaeologo duce optimam nobis occasionem monumenta aedificiaque diversa videndi conspiciendique praebuit, quorum Asturicensium vestigiorum forum cloacae thermae murusque castrorum praeter Museum illum pulcherrimum splendidissumumque Romanum digna quae recenseantur esse videntur.
Tempus quoque fuit ad Museum Socolatarum videndum, quo in loco haud pauca socolatae copia discipulis discipulabusque oblata magnum fuit periculum ne omnes comedones cum sint crassiores nimis evaderent...! Iam iam Asturicam redibimus deis deabusque faventibus nova vestigia Romana quaesitum, novas sapidissimas socolatas sumptum...!
April 20, 2010
De epica poesi. De Vergilio.
» ‎ AGE, ASCENDE SVPERIVS!
March 16, 2010
De Graeco theatro
» ‎ AGE, ASCENDE SVPERIVS!
February 28, 2010
[nt]
» ‎ AGE, ASCENDE SVPERIVS!

El Teatro Romano Publish at Scribd or explore others: Academic Work culture arte
January 23, 2010
De capitulis nuper lectis
» ‎ AGE, ASCENDE SVPERIVS!
January 11, 2010
De novo anni tempore ineundo
» ‎ AGE, ASCENDE SVPERIVS!
Salvete discipuli discipulaeque omnes!

Novum spatium anni inimus, atque necesse nos rationes aptiores ad disciplinam perbelle persequendam constituere visum. En ergo admonitiones consiliaque nonnulla a vobis bene consulenda:

Hunc ad mensem, quod attinet, debetis:
- Litteris Latinis, melius Romanas diceremus, ad scaenam atque ad orationes habendas pertinentibus studere.
- Compositionem de Festo Natalicio vestro, quomodo id degeritis, facere.
- Colloquia brevia de vita operibusque C.Iulii Caesaris enarrandis parare atque in auditorio constituere.
- Pensum cottidianum ad textum Caesaris et ad capitula Familiae Romanae conficere.
- Numquis vestrum cum aliis condiscipulis commercium condere vellet epistulare?
- Ceterum, excursiones nonnullas facere conabimur, inter quas eae ad oppidulum nomine LANCIA, atque ad Museum Legionensem faciendae numerari possunt.
  
  Bonum animum habeatis!
November 15, 2009
De bello Gallico illo
» ‎ AGE, ASCENDE SVPERIVS!
November 08, 2009
De C. Iulio Caesare
» ‎ AGE, ASCENDE SVPERIVS!

Tandem aliquando dies advenit, quo de C. Iulio Caesare illo multa et legere et videre et dicere debemus.

Sub specie ad tanti viri vitam resque gestas introductionis has imagines videre auscultareque potestis, in quibus nonnulla elementa atque eius ingenii primordia duo homnines periti quadam cum simplicitate explicant.
Placeant cupio!
October 05, 2009
De novis FAMILIAE ROMANAE capitulis legendis deque quibusdam aliis
» ‎ AGE, ASCENDE SVPERIVS!

Novas imagines vobis praebeo, quibus capitula postrema recensere valeatis.

Colloquium XVView more presentations from santi .

Alias imagines quoque addo, quae multum vobis ullo sine dubio placebunt. In quibus autem nonnulla menda insunt: potestisne ea invenire? Temptate modo!

← Latin Bachillerato Akal Blog Quae mox fient →

Aquí tienes las intrucciones para añadir a tu blog el botón de adhesión a Χείρων·Chiron.

Blogs en Χείρων·Chiron » AGE, ASCENDE SVPERIVS!

Feeds

AGE, ASCENDE SVPERIVS!