Blogs en Χείρων·Chiron » SEECGALICIA - Sección Galega da Sociedade Española de Estudios Clásicos

Hoxe publicamos os datos de participación da nova edición do concurso de Cultura Clásica ODISEA, a XIII para Galicia, a XI para a Comunidade Valenciana, a VII para Cataluña e Aragón, a VI para Valladolid, a IV para Andalucía e Extremadura, a III para Canarias, a II para Madrid e a I para Asturias.

Foron un total de 4.601 alumnos, distribuídos en 1.785 equipos, pertencentes a 283 Centros Educativos e con 319 profesores implicados.

En Galicia a participación subiu en todos os campos con respecto á edición anterior: alumnos, profesores, equipos e centros implicados.

A nivel estatal temos os mellores índices de participación de todas as edicións levadas a cabo ata agora.

Como aínda queda algunha praza libre, o prazo de inscrición no Festival de Teatro continuará aberto ata que se agoten as entradas.

O Congreso Internacional CLASTEA IV, “Clásicos en escena ayer y hoy”, terá lugar na Facultade de Filoloxía de Santiago de Compostela os días 25-26-27 de outubro de 2018. Pódese ver toda a información nesta ligazón e acceder ao formulario de inscrición nesta outra.

A Sección galega da Sociedade Española de Estudios Clásicos (SeecGalicia) convoca a trixésima edición do concurso ODISEA, no que poderán participar todos os alumnos e alumnas que así o desexen, pertencentes a calquera dos Centros Oficiais de Ensino Secundario de Galicia.

Terá lugar entre os días luns 5, martes 6, mércores 7 e xoves 8 de febreiro (primeira fase), e os días mércores 21 de febreiro e xoves 1 de marzo (desempate local e fase final estatal respectivamente), segundo se detalla no calendario adxunto.

A inscrición dos equipos realizarase entre os días luns, 4 de decembro de 2017 e o mércores 31 de xaneiro de 2018, ambos inclusive, cubrindo o formulario de inscrición directamente na WEB do concurso.

Nesta edición participarán seccións da SEEC de Andalucía (Secciones de Cádiz, Córdoba, Granada-Jaén-Almería, Málaga e Sevilla-Huelva), Aragón, Asturias (que participa por primeira vez en colaboración coa Asociación asturiana de profesores de Latín e Griego “Céfiro”), Canarias, Galicia, Extremadura, Valencia-Castellón, Valladolid, Madrid, e a Associació de Professorat de Llengües Clàssiques de Catalunya (APLEC).

A súa celebración coincidirá nas mesmas datas en todas as Seccións. As preguntas cinguiranse ao currículo de Cultura Clásica, Latín e Grego que se ensina nos centros e, como se establece nas bases, cada día versarán sobre aspectos concretos do tema elixido en cada edición.

Navegaremos nesta nova aventura de ODISEA 2018 achegándonos a un novo tema: “A morte en Grecia e Roma”.

O concurso poderá seguirse en Twitter co hashtag #OdiseaXVIII

Por fin puido solucionarse o fallo detectado no día de onte na páxina web, pero a data que figura no formulario de inscrición para a xornada de A Coruña non é correcta. Así pois, en tanto non se poida corrixir o formulario, téñanse só en consideración as datas que figuran anunciadas no programa e que son as seguintes:

LUGO
5 de marzo (luns)
12:00 horas: Edipo Rey de Sófocles, SV Producciones de Madrid
17:00 horas: Cásina de Plauto, SV Producciones de Madrid

6 de marzo (martes)
12:00 horas: Hécuba de Eurípides, Grupo Noite Bohemia de A Coruña
17:00 horas: Miles gloriosus de Plauto, Grupo Noite Bohemia de A Coruña

A CORUÑA
14 de marzo (mércores)
12:00 horas: Electra de Eurípides, Grupo El Ruiseñor de A Coruña
17:00 horas: Gemelos de Plauto, Grupo El Ruiseñor de A Coruña

OURENSE
9 de abril (luns)
12:00 horas: Troyanas de Eurípides, Grupo Noite Bohemia de A Coruña
17:00 horas: Anfitrión de Plauto, Grupo Noite Bohemia de A Coruña

10 de abril (martes)
12:00 horas: Electra de Eurípides, Grupo El Ruiseñor de A Coruña
17:00 horas: Gemelos de Plauto, Grupo El Ruiseñor de A Coruña

Debido a fallos na páxina web de SEEC-Galicia, está dando problemas o formulario de inscrición no Festival de Teatro. Esperamos que os fallos queden solucionados no día de hoxe e que o formulario quede operativo a partir das 9:00 horas de mañá martes, 14 de novembro.
Rogamos que se desculpen as molestias ocasionadas.

Presentación de libro

Lugo, 22-24 de novembro de 2017

Xa está publicada a convocatoria do “Concurso de Grego: Parnaso” do ano 2018. Poden verse as bases, os textos e o formulario de inscrición nesta ligazón.

Xa está publicada a convocatoria do “Certamen Cieronianum” do ano 2018. Poden verse as bases, os textos e o formulario de inscrición nesta ligazón.

Pódese ver aquí o programa de actividades de SEEC-Galicia previstas para o curso 2017-2018.

A continuación detallamos o programa da viaxe a Italia 2018, OPERACIÓN AVERNO II, organizada por SEECGalicia para profesores e alumnos de clásicas de centros de ensino de Galicia. Presenta importantes novidades, que esperamos que sexan do voso agrado, e terá lugar durante os días 10 e 17 de febreiro de 2016, haberá 59 prazas dispoñibles (requírese un mínimo de 45 PAX), custará 739 euros por persoa (en habitación múltiple) e haberá que inscribirse no formulario da web de SEECGalicia dende as 15:00 horas do mércores 8 de novembro de 2017 ata as 24.00 do mércores 15 dese mesmo mes. Pica en ler máis para acceder a toda a información.

Obradoiros de Cultura Clásica 2017

COORDINADORES:
Mª Teresa Amado e Ricardo Martín

LUGAR:
Auditorio Gustavo Freire (Lugo)
Auditorio Municipal (Ourense)
Teatro Rosalía de Castro (A Coruña)

PATROCINAN:
Sección galega da SEEC
Concello de Lugo
Concello de Ourense
Concello da Coruña

Programa Lugo

Día 5 de marzo, luns

12:00 Edipo Rey, de Sófocles, SV Producciones de Madrid

17:00 Cásina, de Plauto, SV Producciones de Madrid

Día 6 de marzo, martes

12:00 Hécuba, de Eurípides, Grupo Noite Bohemia da Coruña

17:00 Miles gloriosus, de Plauto, Grupo Noite Bohemia da Coruña

A Coruña

Día 14 de marzo, mércores

12:00 Electra, de Eurípides, Grupo El Ruiseñor da Coruña

17:00 Gemelos, de Plauto, Grupo El Ruiseñor da Coruña

Ourense

Día 9 de abril, luns

12:00 Troyanas, de Eurípides, Grupo Noite Bohemia da Coruña

17:00 Anfitrión, de Plauto, Grupo Noite Bohemia da Coruña

Día 10 de abril, martes

12:00 Electra, de Eurípides, Grupo El Ruiseñor da Coruña

17:00 Gemelos, de Plauto, Grupo El Ruiseñor da Coruña

Reservas

Pinchando na ligazón embaixo, podedes acceder ao noso formulario de inscrición.

Prazo:
Socios da SEEC: desde o 13 de novembro de 2017 ó 15 de xaneiro de 2018. Farase comprobación de todas as reservas.
Non Socios: desde o 20 de novembro de 2017 ó 15 de xaneiro de 2018

Ingresos

5 € por alumno e representación. Os profesores non pagan. Non se devolverán os cartos da inscrición agás por supresión da representación.
Conta: ES08 2080 0343 0230 4000 5068 de Abanca.

Folla de pagamento

Hai que descargala da web e mandala cuberta por correo electrónico xunto co xustificante do ingreso bancario a: *protected email*
Anularase a reserva cuxa folla de pagamento e xustificante de pagamento no se teñan recibido nos 15 días hábiles posteriores á data da realización da reserva.
Sen este requisito non se considerará firme a reserva.

Envío de obras e entradas

A partir do 25 de xaneiro de 2018

Contacto

Mª Teresa Amado: tfn. 981 56 31 00, ext. 11888 (de luns a xoves de 10:00 a 11:00)

SEEC Galicia

Congreso “Flavian Literature and its Predecessors. Contemporary Directions”

Presentación do libro coa tradución ao galego dos “Caracteres” de Teofrasto

LUGO-OURENSE-A CORUÑA
XVIII FESTIVAL DE TEATRO GRECOLATINO

COORDINADORES:
Mª Teresa Amado e Ricardo Martín
LUGAR:
Auditorio Gustavo Freire (Lugo)
Auditorio Municipal (Ourense)
Teatro Colón (A Coruña)
PATROCINAN:
Sección galega da SEEC
Concello de Lugo
Concello de Ourense
Deputación de A Coruña

LUGO
5 de marzo (luns)
12:00 horas: Edipo Rey de Sófocles, SV Producciones de Madrid
17:00 horas: Cásina de Plauto, SV Producciones de Madrid

6 de marzo (martes)
12:00 horas: Hécuba de Eurípides, Grupo Noite Bohemia de A Coruña
17:00 horas: Miles gloriosus de Plauto, Grupo Noite Bohemia de A Coruña

A CORUÑA
7 de marzo (mércores)
12:00 horas: Electra de Eurípides, Grupo El Ruiseñor de A Coruña
17:00 horas: Gemelos de Plauto, Grupo El Ruiseñor de A Coruña

OURENSE
9 de abril (luns)
12:00 horas: Troyanas de Eurípides, Grupo Noite Bohemia de A Coruña
17:00 horas: Anfitrión de Plauto, Grupo Noite Bohemia de A Coruña

10 de abril (martes)
12:00 horas: Electra de Eurípides, Grupo El Ruiseñor de A Coruña
17:00 horas: Gemelos de Plauto, Grupo El Ruiseñor de A Coruña

RESERVAS: Na web da Sección Galega da SEEC: www.seecgalicia.org
PRAZOS: Socios da SEEC: do 13 de novembro de 2017 ao 15 de xaneiro de 2018. Farase comprobación de todas as reservas.
Non socios: do 20 de novembro de 2017 ao 15 de xaneiro de 2018.
INGRESOS: 5 € por alumno e representación. Non se devolverán os cartos da inscrición agás por supresión da representación.
Conta: ES08 2080 0343 0230 4000 5068 de Abanca.
FOLLA DE INSCRICIÓN: Hai que descargala da web e mandala cuberta por correo electrónico xunto co xustificante do ingreso bancario a: *protected email* Anularanse as reservas cuxa folla de inscrición e xustificante de pago non se recibisen nos 15 días hábiles posteriores á data da realización da reserva.
ENVÍO DE OBRAS E ENTRADAS: A partir do 25 de xaneiro de 2018.
CONTACTO: Mª Teresa Amado, 981563100, ext. 11888 (de luns a xoves de 10 a 11 horas).

Onte, 4 de xullo, no Salón de Graos da Facultade de Filoloxía de Santiago de Compostela tivo lugar o acto de presentación do volume coa tradución ao galego dos “Diálogos de mortos” e “Diálogos mariños” de Luciano de Samósata a cargo de Teresa Amado (Rinoceronte Editora, Colección Vétera). No acto interviron María do Cebreiro Rábade, Vicedecana da Facultade de Filoloxía da USC, Xosé Carracedo, Presidente de SEEC-Galicia, Moisés Barcia, Director de Rinoceronte Editora, e a tradutora Teresa Amado. O acto pechouse coa lectura dramatizada de dous diálogos de Luciano por parte de Maite Jiménez, Susana Losada, Xosé Carracedo e Anxo Quintela.

O próximo martes, 4 de xullo, ás 19:00 horas no salón de Graos da Facultade de Filoloxía de Santiago, coincidindo co curso “Actualización metodolóxica en grego antigo” organizado por SEEC-Galicia, terá lugar un acto de presentación do libro coa tradución ao galego dos “Diálogos de mortos” e “Diálogos mariños” de Luciano de Samósata a cargo de Teresa Amado (Rinoceronte Editora, Colección Vétera).
Na imaxe adxunta pódese ver toda a información sobre ese acto.

Desde SEEC-Galicia queremos felicitar encarecidamente á compañía de teatro “Noite Bohemia” do IES Ramón Menéndez Pidal de A Coruña, socia e colaboradora da nosa Sociedade, polo primeiro premio acadado na modalidade de traxedia grega e latina no XII Concurso Nacional de Teatro Grecolatino celebrado en Mérida o pasado 23 de xuño. A súa excelente posta en escena das “Bacantes” era sen dúbida merecedora deste importante recoñecemento.

“eTwinning”

Nas ligazóns que abaixo se indican pode verse toda a información sobre este interesante proxecto colaborativo internacional sobre a lingua latina no que de momento participan os seguintes centros (un deles galego):

IES Vegas Bajas, Montijo (España)
Freiherr-vom-Stein-Schule, Fulda (Alemania)
IES de POIO, Poio (España)
IV Liceum Ogólnokształcące im. Tadeusza Kotarbińskiego, Gorzów Wielkopolski (Polonia)
IES Alagón, Coria (España)
Liceo Statale Pitagora, Isili (Italia)

As ligazóns son as seguintes:

[jerrymont.wixsite.com]
[delirantier.blogspot.com.es]
[https:]]

Onte, 1 de xuño, no Salón de Actos da Facultade de Filosofía de Santiago de Compostela tivo lugar a presentación dos volumes “Cantar de Valtario” e “Cantar de Ruodlieb” coa tradución ao galego deses dous poemas épicos medievais elaborada por Maite Jiménez. No acto interviñeron a tradutora, o presidente de SECC-Galicia, Xosé Carracedo, e os responsables de Rinoceronte Editora e da “Colección Vétera”, onde foron publicados os volumes, Moisés Barcia e Raúl Gómez respectivamente. O acto pechouse cunhas pezas de música medieval a cargo de Isabel Cota e David Rivada.

Os días 27e 28 de maio a sede de Mérida acolleu aos representantes dos Festivais de Teatro de todas as sedes integradas na rede Prósopon. O sábado 27 celebrouse a asemblea xeral onde se fixo balance dos distintos festivais, que mobilizaron a mais de 66.000 escolares de toda España. Durante o acto de clausura foron nomeados novos Socios de Honor de Prósopon e o grupo de teatro de profesores do IES Santa Eulalia (Mérida), Clípeo Teatro, representou a obra “O eunuco” de Terencio, con versión libre de Marino González Montero.

A sede emeritense ofreceu aos participantes toda unha serie de actividades que complementaron magnificamente os actos da clausura, entre as que cabe salientar a visita aos principais recintos arqueolóxicos da cidade e ao seu renomado Museo Arqueolóxico. Como membros da rede Prósopon, coas nosas sedes de Lugo, Ourense e Coruña, queremos agradecer e felicitar aos nosos colegas de Mérida pola calurosa acollida e pola fantástica organización de todos os eventos que formaron parte da clausura. Gratias plurimas vobis agimus, Emeritenses collegae!!

O próximo xoves 1 de xuño terá lugar un acto de presentación dos volumes “Cantar de Valtario” e “Cantar de Ruodlieb”, que conteñen a tradución ao galego desas obras feita por Maite Jiménez Pérez e que están publicados na editorial Rinoceronte (cf. [rinoceronte.gal] ).

O acto celebrarase ás 19:00 horas no Salón de Actos da Facultade de Filosofía de Santiago de Compostela (Praza de Mazarelos). Véxase a información detallada na imaxe adxunta.

Está aberto o prazo de inscrición para o curso de verán “De Roma á cultura dixital: 2000 anos de Ovidio” (2 créditos ECTS)

Os datos son os seguintes (adxúntase díptico co programa):

20, 21 e 22 de xuño de 2017
Salón de Graos
Facultade de Filoloxía
(Santiago de Compostela)

Dirección: Fátima Díez Platas
Cecilia Criado Boado
Secretaría: Patricia Meilán Jácome
Miriam Sánchez López

Horas lectivas: 25
Recoñecemento de 2 créditos ECTS

Prazo de matrícula: do 10 de maio ao 9 de xuño

Importe:
– Taxa xeral: 120 €
– Taxa reducida: 70 €

Centros de matriculación:
*protected email*
www.usc.es/cultura/veran

Campus de Compostela:
Área de Cultura – Casa da Balconada
Rúa Nova, 6
Teléfonos 881811018 / 881811103
Fax 881811208

Campus de Lugo:
Área de Cultura – Pazo de Montenegro
Praciña da Universidade
Teléfono 98221513
Fax 98221506

Máis información e contacto:
www.ovidio2000.weebly.com
*protected email*

Presentación do libro de Fernando Lillo “Superhéroes griegos”

CURSO DE FORMACIÓN DE PROFESORADO 2017
“ACTUALIZACIÓN METODOLÓXICA EN GREGO ANTIGUO”
Recoñecido con 30 horas polo Ministerio de Educación, Cultura e Deporte segundo resolución do 21 de abril de 2017
Organizado por SEEC-Galicia en colaboración co grupo de investigación da USC “Estudos Clásicos e Medievais (GI-1908)”

1. OBXECTIVOS
1. Coñecer as últimas propostas e tendencias metodolóxicas no ensino do Grego, así como a recente bibliografía sobre didáctica das linguas clásicas.
2. Proporcionar instrumentos de traballo acordes coas novas metodoloxías: adquirir recursos para unha docencia activa do Grego.
3. Valorar a importancia das competencias básicas de comunicación na aprendizaxe das linguas clásicas.
4. Utilizar o contexto lingüístico e extralingüístico como medio para incrementar a comprensión de textos gregos.
5. Integrar as novas tecnoloxías na didáctica das linguas clásicas.
6. Completar a formación do profesorado en nocións de historia da lingua grega.
7. Facilitar recursos para a introdución do grego moderno como reforzo para a aprendizaxe do grego antigo.

2. CONTIDOS
1. A cuestión do método: do sistema tradicional baseado na gramática e tradución aos métodos activos (audio-orais, de lectura ou inductivo-contextuais e “comunicativos”).
2. Pronuncia erasmiana fronte a pronuncia histórica.
3. Debate sobre a mellora da práctica docente a través das experiencias presentadas.
4. Fases e estratexias do proceso de ensino-aprendizaxe: introdución, interpretación, asimilación e expresión.
5. Criterios de avaliación de coñecementos e competencias.
6. Trazos básicos que permiten percibir o proceso de evolución na lingua grega.
7. As manifestacións culturais modernas (literatura, cinema, música) como recurso didáctico no ensino da cultura helena.
8. Algúns recursos dixitais.

3. METODOLOXÍA
1. Introdución teórica e posta en común sobre a necesidade dunha renovación pedagóxica.
2. Exposición de distintos enfoques didácticos dos manuais Athenaze, LGPSI, ΔΙΑΛΟΓΟΣ.
3. Realización de actividades orais e escritas, individuais ou colectivas.
4. Práctica de exercicios interactivos.
5. Introdución ao curso comunicativo de grego moderno baseado no enfoque por tarefas.
6. As horas non presenciais estarán dedicadas á preparación por parte de cada alumno/a de un recurso didáctico propio.

4. AVALIACIÓN
1. Asistencia a todas as sesións presenciais.
2. Participación nas actividades presenciais.
3. Elaboración de recursos didácticos propios nas horas non presenciais.

5. PROFESOR
Santiago CARBONELL MARTÍNEZ
Licenciado en Filoloxía Clásica pola Universidade de Valencia, Doutor en Filosofía e Letras pola Universidade de Salónica (Departamento de Grego Medieval e Moderno 2003), Xefe de Departamento de Cultura Clásica do IES Cotes Baixes de Alcoi desde 2006, Profesor Asociado da Área de Grego na Universidade de Alacante de 2005 a 2013. Ten diversas publicacións sobre didáctica das linguas clásicas e participou en cursos sobre lingua e literatura neohelénicas. Premio Didaskalia 2007. Premio Nacional eTwinning 2011.

6. LUGAR, DATA E HORARIO
Facultade de Filoloxía de Santiago de Compostela. Aula D-9
Luns, martes, mércores e xoves, 3-6 de xullo de 2017
De 16:00 a 20:00 horas

7. INSCRICIÓN
Número de prazas: 30
Prezo: Socios ordinarios SECC 50 €
Socios estudantes SECC gratuíto
Non socios 70 €
Non socios estudantes 25 €
Modo de inscrición:
Entre o 22 de maio e o 9 de xuño solicitarase preinscrición mediante un correo enviado á Secretaría de SEEC-Galicia (*protected email*) no que se fará constar como asunto “curso de formación” e no que se indicará o nome completo do solicitante, o centro de traballo (de ser o caso) e a dirección de correo electrónico. As solicitudes serán atendidas por rigorosa orde de chegada e terán preferencia os socios da SEEC.
O 12 de xuño comunicarase a todos os solicitantes a listaxe de admitidos e indicarase o procedemento para a matrícula definitiva.

Na proba Parnaso correspondente á Sección de Galicia resultou ganador o alumno Pedro Araújo Álvarez do IES Castelao de Vigo, quen, polo tanto, concorrerá á fase final do concurso.

Reciban parabéns todos os participantes e os seus profesores pola excelente calidade dos exercicios e o ganador unha felicitación especial.

Durante todo o día de onte, mércores 3 de maio, tiveron lugar na Facultade de Filoloxía de Santiago os “II Ludi Compostellani” coa participación duns 200 estudantes de distintos niveis de ensino de centros de toda Galicia.

A xornada pechouse co acto solemne de entrega de premios aos ganadores/-as da Terceira Olimpíada de Tradución de Textos Clásicos e de diplomas a todos os participantes. No acto estiveron presentes Da. María José López Couso, Decana da Facultade de Filoloxía da USC, D. Anxo M. Lorenzo Suárez, Secretario Xeral de Cultura, D. Benedict Buono, Director do Departamento de Filoloxía Clásica, Francesa e Italiana da USC e D. José Carracedo Fraga, Presidente de SEEC-Galicia.

Nesta edición da Olimpíada participaron 56 alumnos/-as na proba de lingua grega e 72 na proba de lingua latina, procedentes de centros de bacharelato de toda Galicia. Os ganadores foron: Teresa SUÁREZ TORRES (IES Valle Inclán – Pontevedra), 1º premio en lingua grega, Antón ENTENZA MARTÍNEZ (IES Valle Inclán – Pontevedra), 2º premio en lingua grega, Sarah VIDAL HORTA (IES Valle Inclán – Pontevedra), 3º premio en lingua grega e 2º en lingua latina, Miguel CADÓRNIGA MARTÍNEZ (IES Ramón Menéndez Pidal – A Coruña), 1º premio en lingua latina, e Samantha Leonor BOTICA FUENTES (IES Valle Inclán – Pontevedra), 3º premio en lingua latina.

Reciban os parabéns todos os premiados e grazas todos os participantes na Olimpíada e nos Ludi por contribuír ao éxito da convocatoria.

DE ROMA Á CULTURA DIXITAL: 2000 ANOS DE OVIDIO

Datas: 20 a 22 de xuño DE 2017
Dirección: Fátima Díez Platas e Cecilia Criado Boado
Secretarias: Patricia Meilán Jácome e Miriam Sánchez López
Nº de horas lectivas: 25
Límite de prazas: non
Prazo de inscrición: do 10 de maio ao 9 de xuño
Número de créditos: 2 créditos ECTS
Importe da matrícula: 120€
70€ Taxa reducida, aplicable a estudantes universitarios, socios da Asociación de Antigos Alumnos da USC, estudantes de bacharelato ou de formación profesional, pensionistas, desempregados e PDI e PAS da USC

Este curso pretende celebrar o bimilenario da morte do poeta Publio Ovidio Nasón, dando a coñecer aspectos novos da súa obra e, en especial, mostrar a pervivencia do poema das Metamorfoses, na cultura visual, así como a enorme influencia e repercusión dos contidos mitolóxicos formulados polo poeta en diversos ámbitos, tanto filolóxicos como artísticos, desde época romana ata o século XXI.

Información e matrícula:
*protected email*
www.usc.es/cultura/veran
www. ovidio2000.weebly.com

Contacto:
*protected email*

I.- LINGUA GREGA:
1ª) Teresa SUÁREZ TORRES (IES Valle Inclán – Pontevedra)
2º) Antón ENTENZA MARTÍNEZ (IES Valle Inclán – Pontevedra)
3ª) Sarah VIDAL HORTA (IES Valle Inclán – Pontevedra)

II.- LINGUA LATINA:
1º) Miguel CADÓRNIGA MARTÍNEZ (IES Ramón Menéndez Pidal – A Coruña)
2ª) Sarah VIDAL HORTA (IES Valle Inclán – Pontevedra)
3ª) Samantha Leonor BOTICA FUENTES (IES Valle Inclán – Pontevedra)

A proba de grego do concurso Parnaso na Sección de Galicia terá lugar o próximo venres, 28 de abril, de 16:00 a 19:00 horas, na aula 1 da Facultade de Ciencias da Comunicación da Universidade de Santiago de Compostela (Avda de Castelao, s/n, Campus Norte, Santiago de Compostela).

O vindeiro 25 de abril, para festexar o día do libro, terá lugar na Facultade de Filoloxía da USC a III Xornada Clásica, organizada por SEEC-Galicia.
Será unha mañá, de 9:00 a 14:00 horas, chea de actividades múltiples, tal como pode verse no programa adxunto. As actividades serán completamente gratuitas e abertas a todo tipo de público.

Coincidindo coa entrega de premios aos gañadores e gañadoras da “III Olimpíada de Tradución de Textos Clásicos” o vindeiro mércores 3 de maio, SEEC Galicia organiza na Facultade de Filoloxía os II LVDI COMPOSTELLANI nos que se realizarán diferentes actividades relacionadas coa cultura clásica para estudantes de primaria, secundaria e bacharelato, coa colaboración do alumnado e profesorado de Filoloxía Clásica e Historia da USC, IES Arcebispo Xelmírez II, IES de Ames, IES San Tomé de Freixeiro e IES de Melide.

PROGRAMA DE ACTIVIDADES

Data: mércores 3 de maio de 2017
Lugar: Facultade de Filoloxía da USC
11.00. Obradoiros, duración 1 h.
Obradoiro de cociña: aula B03
Obradoiro de ciencia: sala 313
Obradoiro de taboíñas micénicas: aula B13
Obradoiro de escritura latina e grega: vestíbulo 1ª planta
Obradoiro de moda clásica: vestíbulo 3ª planta
Obradoiro de xogos: salón de actos
11.00. Xincana mitolóxica por Compostela, saída da Praza do Obradoiro, diante do pazo de Fonseca, duración 2 h.
12.15. A Academia de Platón: montaxe teatral a cargo do Grupo Teiroa do IES de Melide no vestíbulo da Facultade de Filoloxía (duración 10 mm)
12. 45. Obradoiros, duración 1 h.
Obradoiro de cociña: aula B03
Obradoiro de ciencia: sala 313
Obradoiro de hoplitas gregos: aula B13
Obradoiro de escritura latina e grega: vestíbulo 1ª planta
Obradoiro de moda clásica: vestíbulo 3ª planta
Obradoiro de xogos: salón de actos
16.00. Obradoiros, duración 1 h.
Obradoiro de ciencia: sala 313
Obradoiro de hoplitas gregos: salón de graos
Obradoiro de escritura latina e grega: vestíbulo 1ª planta
Obradoiro de moda clásica: vestíbulo 3ª planta
Obradoiro de xogos: salón de actos
17.30. A Academia de Platón, montaxe teatral a cargo do Grupo Teiroa do IES de Melide no salón de actos da Facultade de Filoloxía (duración 10 mm)
17.45. Desfile de moda clásica a cargo do alumnado do IES e Melide no salón de actos da Facultade de Filoloxía.
18.00. Entrega de premios III Olimpíada de Tradución no salón de actos da Facultade de Filoloxía.
18.30. Fin da xornada.

Para poder participar nestas actividades o profesorado responsable deberá cubrir e enviar o formulario de inscrición até o día 26 de abril. En cada obradoiro só poderán participar un nº máximo de 20 alumn@s, e na xincana mitolóxica 30. Recórdase que a asistencia aos obradoiros e xincana mitolóxica implica a participación activa do alumnado. As solicitudes atenderanse por rigorosa orde de inscrición, tendo preferencia o alumnado do profesorado ou dos centros socios da SEEC e dos centros colaboradores na organización destes Ludi. Nesta edición as actividades ofertadas serán de balde, custeadas pola Sección Galega da SEEC.

FORMULARIO DE INSCRICIÓN

Contacto: *protected email* (Para calquera cuestión relativa a asistencia aos LVDI COMPOSTELLANI)

Ante as consultas recibidas, comunícase que se mantén o programa de teatro grecolatino previsto para mañá, mércores 22 de marzo, no Teatro Colón de A Coruña.

Durante as vacacións de Entroido, desenvolveuse con rotundo éxito a nosa Operación Atena, viaxe na que visitamos Atenas, os recintos arqueolóxicos máis salientables do Peloponeso e Delfos. Tivemos un record de participantes (72) e contamos coa presenza dos IES Eusebio da Guarda, Menéndez Pidal e Elviña de Coruña, María Casares de Oleiros, Xulián Magariños de Negreira, Illa de Tambo de Marín, Moaña e Maceda. Cabe destacar o entusiasmo dos alumnos participantes e o seu exquisito comportamento que mereceu as loubanzas dos nosos guías, do persoal dos hoteis e de diversos pasaxeiros dos voos. Todo isto anímanos a seguir traballando no que é unha experiencia única entre as diversas seccións da SEEC de España: as viaxes a Grecia e Italia enfocadas primordialmente a alumnos de secundaria. Moitas grazas pola vosa participación e apoio.

De seguido deixámosvos coa crónica que fixeron da viaxe os alumnos Silvia López e Jorge Riveiro do IES Elviña. Os interesados en ver máis fotos e comentarios da viaxe poden consultar o hashtag #ateneagalaica de Twitter.

Este ano tivemos a sorte de cruzar as portas da primavera en Grecia, de adorar a cultura grega que tanto nos enche, define e identifica, de coñecernos un pouco máis en cada paso que dabamos, de respirar un aire tan lonxano e cercano á vez.
A nosa aventura comeza adentrado o día 26 de febreiro, coa luz do amencer dun día que lembraremos polo resto dos nosos días.
Comezamos a viaxe coa visita da enorme, caótica e tumultuosa pero cativadora capital helena, Atenas. Nesta fermosa cidade, berce da nosa civilización, paseamos cansos baixo a choiva na nosa primeira noite en territorio grego. Poidemos observar as marabillas do centro da cidade como a catedral ou as grandes prazas onde fomos enamorándonos a primeira vista da cultura helena. Tras unha primeira noite de nervios e amizades por facer, chegou o noso segundo día na capital. O día anterior xa nos impactara a súa impoñente vista dende a cidade ou a azotea do hotel, pero ese día tocaba visitala: a Acrópole. Deixarse embaucar polas súas falsas liñas rectas, tan perfectamente explicadas polo noso magnífico guía Spyros, é algo imposible de contar. Pola tarde subimos nun teleférico ó monte Licabito, dende onde poidemos contemplar a inmensidade ateniense.
O día seguinte comezou a nosa expedición polo Peloponeso, empezando no canal de Corinto, o gran teatro de Epidauro, con representación en directo dos actores de Noite Bohemia e os restos ciclópeos da cidade de Micenas, rica en ouro. Tras ver o atardecer xunto ao mar de Nauplia dirixímonos ao hotel de Tolo, onde descansamos cunhas preciosas vistas ó mar. Espertamos coas enerxías renovadas para visitar a cultura guerreira de Esparta e a descoñecida pero impactante cidade bizantina de Mystrás, cuxas asombrosas igrexas nos conmoveron a todos. Pola tarde retrocedemos no tempo cando fomos presentar os nosos respetos ao lexendario heroe espartano, Leónidas. Rematamos o día facendo unha parada no mítico monte Taygetos, onde os antigos espartanos precipitaban os nenos que non servían para o combate. Durmimos no luxoso hotel de Kalamata, onde disfrutamos dunha noite repleta de fútbol.
Xa descansados esperábanos un día repleto de novos coñecementos e impoñentes monumentos da infravalorada cidade de Mesenia, que a pesar de non ser un gran destino turístico, sorprendeunos positivamente grazas á súa gran beleza e ás explicacións tan cheas de humor por parte de Spyros. Despois desta interesante visita, fixemos unha parada de camiño a Olimpia na fermosa praia de Zakháro, onde vimos por primeira vez as preciosas augas cristalinas do mar Xónico. Xa pola noite paseamos pola pequena vila de Olimpia, onde poidemos comprar agasallos para os nosos seres queridos.
Tras descansar nesta pequena vila preparámonos para visitar a orixe dos nosos xogos olímpicos, a antiga polis de Olimpia. Alí vimos o ximnasio onde os atletas se entrenaban, a escola onde se recibía e impartía clase, o altar no que se encende a antorcha olímpica todos os anos e por último, o estadio olímpico onde, como os atletas da antigüedade, competimos pola coroa de loureiro. En Olimpia tamén visitamos o museo no que se encontran famosas esculturas do mundo grego como as de Cleobis e Bitón ou a peza estrela do lugar, o Hermes co neno Dioniso. Despedímonos do Peloponeso dirixíndonos ó noso novo destiño, Delfos. Eso sí, parando polo camiño na histórica praia de Lepanto, na que gozamos de novo dunhas espectaculares vistas e dun tamén espectacular xeado. Chegando a Delfos, quedamos completamente namorados das súas impresionantes e abraiantes paisaxes, máis propias dos nosos mellores soños que da realidade. Tras a noite en Delfos, repleta de paseos nocturnos e charlas ata a madrugada, fomos ver o recinto arqueolóxico deste lugar paradisíaco, onde gozamos dun magnífico museo, que entre outras obras tiña o famoso Auriga de Delfos. Fóra, demos unha volta polo Oráculo, onde no final do percorrido, nos purificamos coas augas da Fonte de Castalia. Ademais vimos de cerca o Tholos de Delfos, único na súa especie. Antes de retornar a Atenas para pasar o noso último día de viaxe alí, comemos nun estupendo restaurante onde por última vez disfrutamos das típicas comidas gregas como a mousaka.
Chegamos a Atenas co tempo suficiente para realizar as últimas compras e para facer o último paseo pola capital dos nosos soños. Desta maneira, chegou a derradeira noite da viaxe, que sempre recordaremos polas risas ata altas horas da madrugada, as bromas que nos facían estoupar a rir coma nenos pequenos, a última vista da Acrópole dende a azotea do hotel… Cansos como estabamos despois de case non durmir, visitamos a maña seguinte o interesante Museo Arqueolóxico de Atenas, que a pesares do noso cansazo, logrou conmovernos tanto como o primeiro día da viaxe. Horas despois atopabámonos no avión de volta a casa, tristes pola nosa marcha dese país que nos namorou e emocionou tanto. Voltamos aos nosos fogares repletos de agasallos e coa mente chea de recordos inolvidables e experiencias únicas e eternas que permanecerán nas nosas memorias polo resto das nosas vidas, deixando en nós o desexo de retornar ao lugar ode unha vez fomos tan felices.

Onte, 13 de marzo de 2017, inaugurouse en Lugo a XVII edición do noso Festival de Teatro Grecolatino coa representación de “Electra” de Sófocles e “Epídico” de Plauto a cargo do Grupo ESM de Bilbao. Profesores e alumnos da nosa comunidade, de Castela-León e, por primeira vez, de Castela-A Mancha encheron o auditorio nas dúas representacións e visitaron os diversos sitios arqueolóxicos da cidade.
O Festival proseguirá hoxe en Lugo con “Bacantes” de Eurípides e “Pseudolus” de Plauto a cargo do grupo Noite Bohemia, e os días 15 e 16 en Ourense coa participación dos grupos coruñeses Noite Bohemia e El Ruiseñor e as obras “Medea” e “Hécuba” de Eurípides e “Pseudolus” de Plauto. O Festival culminará en Coruña o 22 deste mes de marzo coa “Medea” de Eurípides a cargo do grupo El Ruiseñor e “Miles Gloriosus” de Plauto a cargo do grupo Noite Bohemia.

O alumno D. Iván SANMIGUEL LORENZO, do IES de VALGA, resultou ganador da proba do “Certamen Ciceronianum 2017” na Sección de Galicia da SEEC e concorrerá como representante desta Sección á fase nacional do “Certamen”.
Parabéns para o alumno e para o seu profesor D. Raúl Gómez Pato.

O XOVES 2 DE MARZO CELEBROUSE NO IES Pazo da Mercé (As Neves) a conmemoración do centenario do nacemento de Evaristo González Fernández. Nacido en Sela (Arbo) tal día coma ese de 1917, foi coñecido para sempre como Evaristo de Sela. Nel xúntanse varios aspectos moi destacados: vítima da represión franquista, helenista, tradutor dos clásicos ao galego, poeta, profesor de grego… Cómpre mencionar, de xeito especial, a tradución da Ilíada e da Odisea ao noso idioma. Tamén a da primeira Filípica, de Demóstenes. Xunto a outros textos máis…

Igualmente aportounos a elaboración e tradución dunha escolma de poesía neohelénica, con voces tan destacadas como Kavafis, Elytis, Seferis e algún autor máis, en edición a cargo da súa filla Stella Maris.

A súa poesía recolle a súa mirada, as súas emocións ante a paisaxe e xentes da contorna do Miño, as súas inquedanzas, e asemade serve para transmitirnos aspectos do mundo clásico (tópicos, mitoloxía, adaptación dalgún xénero ou obra -pensamos na particular versión persoal das Bucólicas que elabora en “Boieiras”). Outra presenza nesta obra poética é o seu antifranquismo, derivado da súa concepción marxista e da súa propia biografía.

No acto realizado no IES Pazo da Mercé estiveron presentes tanto autoridades (alcaldes de Arbo e As Neves) como outras persoas vencelladas directa ou indirectamente coa vida e obra de Evaristo. Así, interviron Stella Maris González, catedrática de francés, filla do homenaxeado e tamén poeta, que nos lembrou distintos aspectos da metodoloxía de traballo do noso autor, o seu rigor e tenacidade; Agapito Valado, presidente da Asociación Cultural de Sela, que vén facendo un gran labor de divulgación sobre a súa figura, precisamente desde a súa parroquia natal; e José Francisco González Castro, helenista e membro da directiva da SEEC, natural de Ribarteme (As Neves) que, como bo homerista, nos enxalzou o traballo “épico” que supuxo a tradución ao galego da Iliada e Odisea.

O director do Instituto, tamén profesor de grego e latín, deu lectura a un texto enviado polo membro da Real Academia Galega , tamén latinista, Xesús Ferro Ruibal, onde se recollía a importancia e magnitude que como tradutor ten Evaristo de Sela para Galicia.

Tamén asistiron ao acto algúns exalumnos seus. Destes mesmo houbo algunha intervención agarimosa, desde o respeto, a emoción e o grato recordo a Evaristo.

Finalmente, estreouse unha peza musical, composta a partir do poema “Paxariño” polo Departamento de Música e interpretada por un grupo de alumnas e profesor co acompañamento de frauta, arpa e pandeireta, que pechou brillantemente o evento no salón de actos, lugar onde se expuxo unha colección de láminas con debuxos e textos referidos a Evaristo de Sela, sobre todo para dar a coñecer unha mostra das súas traducións e poesía.

Houbo tamén presenza dos medios de comunicación (Faro de Vigo, A Peneira, Eixo Atlántico..) para dar conta do vivido. A AELG, na súa axenda, tamén difundiu o acto.
En definitiva, todo un éxito.
E unha reflexión e proposta: nuns tempos que son máis ben inclementes ou pouco propicios con respecto ás humanidades, ao pensamento, aos estudos clásicos, temos que procurar darlle á imaxinación para dar a coñecer todo o que Grecia e Roma supoñen para nós. De aí que haxa que aproveitar este tipo de conmemoracións, procurando que irradien o máis estensamente posible.

Un saúdo

Xosé Abilleira Sanmartín
Director do IES Pazo da Mercé – As Neves

Magister et discipuli – Διδάσκαλος καἰ μαθηταί
O día a día nas clases de Latín, Grego e Cultura Clásica

Prof. Álvaro Pérez Vilariño

Lugar: Facultade de Filoloxía-USC, Aula D02

Data: Mércores 8 de marzo

Hora: 16.00-19.00 h.

Organiza: Grupo de Investigación “Estudos Clásicos e Medievais” da USC

Estes foron os equipos gañadores dos 5 premios da Fase Estatal aportados pola SEEC:

1º Equipo clasificado: 390 euros. NAVEZUELAS VERBERAT, IES MARIO ROSO DE LUNA (LOGROSÁN, CÁCERES)
2º Equipo clasificado: 210 euros. PANTOCRATOR, INSTITUT MONTSERRAT (BARCELONA)
3º Equipo clasificado: 150 euros. LOS αγγελοι ANGUILAS, IES LAS CANTERAS (COLLADO VILLALBA, MADRID)
4º Equipo clasificado: 90 euros. HIEMS ADVENIT, IES AUSIAS MARCH (GANDÍA, VALENCIA)
5º Equipo clasificado: 60 euros. PATROCLOS TEAM, IES DR. ANTONIO GONZALEZ GONZALEZ (LA LAGUNA, TENERIFE)

Entre os participantes nesta gran final estivo tamén un equipo galego, INVICTI, do IES LAMA DAS QUENDAS de CHANTADA. É de destacar a emoción e igualdade da proba, onde as diferencias entre algúns premios foron tan só de varios minutos de diferencia. Noraboa a todos os alumnos premiados e aos seus profesores!

Velaquí a clasificación final definitiva:

A proba para os participantes da Sección de Galicia no “Certamen Ciceronianum 2017” terá lugar o próximo venres, 3 de marzo de 2017, ás 16:00 horas, na aula C-10 da Facultade de Filoloxía de Santiago de Compostela.

Mañá mércores 15 de febreiro celebrarase o desempate do Concurso Odisea entre os equipos que remataron a primeira fase empatados a puntos e coa máxima puntuación.

Esta proba disputarase nas seguintes sedes:

IES FONTEXERÍA. Muros.

Aquí competirán os equipos CATILINA, do IES DE VALGA, e VAGALUME, do IES FONTEXERÍA DE MUROS.

IES LAXEIRO. Lalín.

Dende aquí competirán os equipos INVICTI, do IES LAMA DAS QUENDAS de Chantada e OS ESPARTANOS, do IES MARCO DO CAMBALLÓN, de Vila de Cruces..

IES SATURNINO MONTOJO. Ferrol.

Nesta sede competirá o equipo JABATOS SOBRADETES VETERANOS, do IES SATURNINO MONTOJO de Ferrol.

Sorte a todos! O gañador disputará a Fase Estatal representando a Galicia.

BASES

1. Destinatarios
Alumnos de 1º e 2º de Bacharelato de centros de Galicia.

2. Proba
Os alumnos poderán concorrer libremente a unha ou a ámbalas dúas probas.
Cada proba consistirá na tradución do texto proposto, acompañada de análise morfolóxica e sintáctica dunha selección de dito texto que se sinalará oportunamente.
Os textos das probas serán dos autores utilizados nas PAU de anos anteriores:
— en Lingua Grega, da obra de Platón e Xenofonte reducirase adicionalmente para esta proba o corpus ao primeiro libro de Anábase e primeiro libro de Helénicas e ás obras platónicas Critón e Apoloxía de Sócrates.
— en Lingua Latina poñeranse textos de Eutropio e Fedro.

3. Data e hora
Xoves 6 de abril de 2017
16:00-17:30: proba de Lingua Grega
17:30-18:00: descanso
18:00-19:30: proba de Lingua Latina

4. Lugar
Facultade de Filoloxía, aula C11

5. Xurado
O xurado encargado de avaliar as probas estará integrado por un profesor de Universidade e dous profesores de Instituto. Nomearase un xurado específico para cada proba. O fallo será inapelable.

6. Premios
Outorgaranse 3 premios para cada modalidade:
1º premio: 250€
2º premio: 150€
3º premio: 100€
Todos os participantes recibirán un diploma acreditativo.
A entrega de premios será previsiblemente o xoves día 4 de maio de 2017 en Santiago de Compostela. Ese mesmo día terá lugar a segunda edición dos Ludi Compostellani con varios obradoiros didácticos e outras actividades, segundo oportunamente se anunciará.

7. Inscrición
Enviarase o boletín de inscrición ao enderezo institucional de correo electrónico da sección de Filoloxía Clásica da USC (*protected email*), indicando en asunto “Olimpíada”.
Prazo de inscrición: do 15 de febreiro ao 15 de marzo de 2017.

BOLETÍN DE INSCRICIÓN

1. DATOS DO/DA ALUMNO/A PARTICIPANTE
NOME E APELIDOS:
CURSO:
2. DATOS DO CENTRO EDUCATIVO
NOME DO CENTRO:
ENDEREZO DO CENTRO (completo):
3. DATOS DO/DA PROFESOR/A RESPONSABLE
NOME E APELIDOS:
CORREO ELECTRÓNICO:
4. PARTICIPA EN (riscar cun X o que proceda)
☐ PROBA DE LINGUA GREGA
☐ PROBA DE LINGUA LATINA

A Consellería de Educación da Xunta de Galicia acaba de anunciar a apertura de prazo para solicitar prazas de interinidades e substitucións nas especialidades de Grego e Latín; véxase a seguinte dirección: [www.edu.xunta.gal] .

Organizado polo Grupo de Investigación «Estudos Clásicos e Medievais», da USC
Facultade de Filoloxía – USC – Santiago de Compostela

Mércores, 15 de febreiro (Aula C 12)
17:30 Helena Rodríguez Somolinos (CSIC): «Safo. El poema de Titono»
19:00 Marco Antonio Santamaría Álvarez (USAL): «Safo. El poema de “los hermanos” y fragmentos de otros poemas»

Xoves, 16 de febreiro (Salón de Graos)
17:30 Emilio Suárez de la Torre (UPF): «El nuevo poema de Arquíloco»
19:00 Fernando García Romero (UCM): «El poema sobre la batalla de Platea de Simónides»

Homologado como curso de formación para profesorado de secundaria.

Máis información: [https:]]

Aquí temos as estatísticas de participación nas 3 últimas edicións do concurso, tanto en Galicia como no conxunto do Estado.

Hoxe deu comezo unha nova edición do concurso de Cultura Clásica ODISEA, a XII para Galicia, a X para a Comunidade Valenciana, a VI para Cataluña e Aragón, a V para Valladolid, a III para Andalucía, Extremadura, a II para Canarias e a I para Madrid.

Serán un total de 4.344 alumnos, distribuídos en 1.676 equipos, pertencentes a 259 Centros Educativos e con 297 profesores implicados. Cabe destacar a subida de partipación do alumnado, da que se bate un récord con 4.344 alumnos participantes. Os demais datos mantéñense máis ou menos igual.

En Galicia baixa lixeiramente a participación con respecto ás edicións anteriores.

Aquí está o mapa de participantes:

O historiador e arqueólogo Enrique Montenegro Rúa impartirá unha conferencia-clase, aberta a todos os interesados, sobre “Santa Eulalia de Bóveda. Sepulcro monumental de un iniciado dionisíaco” o próximo martes, 14 de febreiro, ás 16:30 na aula “C-04” da Facultade de Filoloxía de Santiago de Compostela.
Na páxina web www.boveda.org pode consultarse toda a interesante información que o Prof. Enrique Montenegro ofrece sobre o monumento de Santa Eulalia.

Estase empezando a enviar os libros e as entradas do Festival de Teatro. Ricardo Martín poñerase en contacto cos centros que vaian á Coruña, xa que as entradas as emite o propio teatro e el dirá como as fará chegar aos profesores responsables dos grupos.

Acto de presentación do volume “Medea de Lucio Anneo Séneca. Edición bilingüe latín-galego. Introdución, tradución e notas de José M. Otero”, Editorial Toxosoutos, Noia 2016 (Serie Esmorga)

Facultade de Filoloxía de Santiago de Compostela: Salón de Graos
Mércores, 18 de xaneiro de 2017, 12:00 horas

Intervirán:
José Carracedo Fraga, presidente da Sección Galega da Sociedade Española de Estudos Clásicos
Clodio González Pérez, director adxunto e coordinador da editorial Toxosoutos
José M. Otero Fernández, autor do volume
Alba María Rodríguez Díaz, actriz, poetisa e música, que representará a escena II do acto IV da Medea

Presentación do libro “Hijos de Ben-Hur”

Despois de que os centros confirmasen as prazas que tiñan solicitadas, quedaron bastantes libres e neste momento hai entradas para case todas as obras. Polo tanto a páxina de reservas non se pechará o día 14 senón que estará aberta mentres queden prazas.

Mañá xoves 1 de decembro comeza a inscrición para a edición 2017 de Odisea, que se prolongará ata o domingo 5 de febreiro.

O Concurso comezará o luns 6 de febreiro e rematará o mércores 22 de febreiro de 2017, día no que se celebrará a final estatal. (Bases e calendario completo)

Nesta edición participarán as seccións da SEEC de Cádiz, Córdoba, Granada, Málaga e Sevilla, Aragón, Canarias, Galicia, Extremadura, Madrid (que participa por primeira vez), Valencia-Castellón e de Alacant, Valladolid, e a Associació de Professorat de Llengües Clàssiques de Catalunya (APLEC).

O tema que fará de fío condutor será “A Política en Grecia e Roma“.

Para promocionar o concurso entre alumnos e profesores elaboramos esta infografía con toda a información desta edición 2017.

O concurso poderá ser seguido en Twitter dende o Hashtag #OdiseaXVII.

Asimesmo contamos cunha galería de imaxes en Pinterest que se irá completando coas imaxes subidas por todas as sedes.

Un libro máis de Fernando Lillo, “Superhéroes griegos. Relatos de héroes mitológicos e históricos de la antigua Grecia”, Tilde 2016, con ilustracións de Alejandro Valverde García.

BASES

1. Destinatarios
Alumnos de 1º e 2º de Bacharelato de centros de Galicia.

2. Proba
Os alumnos poderán concorrer libremente a unha ou a ámbalas dúas probas.
Cada proba consistirá na tradución do texto proposto, acompañada de análise morfolóxica e sintáctica dunha selección de dito texto que se sinalará oportunamente.
Os textos das probas serán dos autores utilizados nas PAU de anos anteriores:
— en Lingua Grega, da obra de Platón e Xenofonte reducirase adicionalmente para esta proba o corpus ao primeiro libro de Anábase e primeiro libro de Helénicas e ás obras platónicas Critón e Apoloxía de Sócrates.
— en Lingua Latina poñeranse textos de Eutropio e Fedro.

3. Data e hora
Xoves 6 de abril de 2017
16:00-17:30: proba de Lingua Grega
17:30-18:00: descanso
18:00-19:30: proba de Lingua Latina

4. Lugar
Facultade de Filoloxía, aula C11

5. Xurado
O xurado encargado de avaliar as probas estará integrado por un profesor de Universidade e dous profesores de Instituto. Nomearase un xurado específico para cada proba. O fallo será inapelable.

6. Premios
Outorgaranse 3 premios para cada modalidade:
1º premio: 250€
2º premio: 150€
3º premio: 100€
Todos os participantes recibirán un diploma acreditativo.
A entrega de premios será previsiblemente o xoves día 4 de maio de 2017 en Santiago de Compostela. Ese mesmo día terá lugar a segunda edición dos Ludi Compostellani con varios obradoiros didácticos e outras actividades, segundo oportunamente se anunciará.

7. Inscrición
Enviarase o boletín de inscrición ao enderezo institucional de correo electrónico da sección de Filoloxía Clásica da USC (*protected email*), indicando en asunto “Olimpíada”.
Prazo de inscrición: do 15 de febreiro ao 15 de marzo de 2017.

BOLETÍN DE INSCRICIÓN

1. DATOS DO/DA ALUMNO/A PARTICIPANTE
NOME E APELIDOS:
CURSO:
2. DATOS DO CENTRO EDUCATIVO
NOME DO CENTRO:
ENDEREZO DO CENTRO (completo):
3. DATOS DO/DA PROFESOR/A RESPONSABLE
NOME E APELIDOS:
CORREO ELECTRÓNICO:
4. PARTICIPA EN (riscar cun X o que proceda)
☐ PROBA DE LINGUA GREGA
☐ PROBA DE LINGUA LATINA

Acaba de ser publicada en edición bilingüe latín-galego a “Medea” de Séneca, Editorial Toxosoutos, 2016, a cargo de José M. Otero. Poden verse máis detalles da publicación na páxina web da editorial.

Acaba de ser publicado o novo libro de Fernando Lillo, “Hijos de Ben-Hur: las carreras del circo en la antigua Roma”, Ediciones Evohé, 2016. Pode verse máis información no blog do autor.

Xa está convocado o Certamen Ciceronianum na súa edición de 2017. As bases do concurso e os textos obxecto da proba poden consultarse na seguinte ligazón: Certamen Ciceronianum

Xa está convocada a proba de grego PARNASO na súa edición de 2017. Para consultar as bases e os textos da proba véxase esta ligazón: proba Parnaso

Onte, xoves 3 de novembro de 2016, tivo lugar na Facultade de Filoloxía de Santiago o taller organizado por SEEC-Galicia sobre “Hoplitas gregos” e “Schola Graeca et Romana”. O taller foi impartido polo profesor Fernando Lillo e contou coa participación dun bo número de alumnas e alumnos de ensino medio e universitario

A Sección galega da Sociedade Española de Estudios Clásicos (SeecGalicia) convoca a duodécima edición do concurso ODISEA, no que poderán participar todos os alumnos e alumnas que así o desexen, pertencentes a calquera dos Centros Oficiais de Ensino Secundario de Galicia.

Terá lugar entre os días luns 6, martes 7, mércores 8 e xoves 9 de febreiro (primeira fase), e os días mércores 15 de febreiro e mércores 22 (desempate local e fase final estatal respectivamente), segundo se detalla no calendario adxunto.

A inscrición dos equipos realizarase entre os días xoves, 1 de decembro de 2016 e o domingo 5 de febreiro de 2017, ambos inclusive, cubrindo o formulario de inscrición directamente na WEB do concurso.

Nesta edición participarán as seccións da SEEC de Cádiz, Córdoba, Granada, Málaga e Sevilla, Aragón, Canarias, Galicia, Extremadura, La Rioja, Valencia-Castellón e de Alacant, Valladolid, a Associació de Professorat de Llengües Clàssiques de Catalunya (APLEC), e, por vez primeira, a sección da SEEC de Madrid.

A súa celebración coincidirá nas mesmas datas en todas as Seccións.

As preguntas cinguiranse ao currículo de Cultura Clásica, Latín e Grego que se ensina nos centros e, como se establece nas bases, cada día versarán sobre aspectos concretos do tema elixido en cada edición.

Navegaremos nesta nova aventura de ODISEA 2017 achegándonos a un novo tema: “A política en Grecia e Roma”.

O concurso poderá seguirse en Twitter co hashtag #OdiseaXVII

A continuación detallamos o programa da viaxe a Grecia 2017, Operación Atena, organizada por SEECGalicia para profesores e alumnos de clásicas de centros de ensino de Galicia. Será do día 26 de febreiro ao 5 de marzo de 2017, haberá 55 prazas dispoñibles, custará 730 euros por persoa (en habitación tripla) e haberá que inscribirse no formulario da web de SEECGalicia dende as 15:00 horas do mércores 9 de novembro de 2016 ata as 24:00 do 18 dese mesmo mes. Pica en ler máis para acceder a toda a información. 

O Grupo de Investigación “Estudos Clásicos e Medievais” (GI-1908) da USC organiza as IV Jornadas Internacionales de Actualización Científica en Filología Clásica y Medieval que terán lugar no salón de Graos da Facultade de Filoloxía da USC nos vindeiro días 14 e 15 de novembro.

Para máis información premede, por favor, nesta ligazón.

O próximo venres, 14 de outubro, ás 20:30 horas terá lugar en Seixalbo (Ourense) a presentación da tradución ao galego do “Philogelos” (“O amante da risa”) de Hierocles e Philagrios a cargo de Margarita Seara e Óscar Soto

COORDINADORES:
Mª Teresa Amado e Ricardo Martín

LUGAR:
Auditorio Gustavo Freire (Lugo)
Auditorio Municipal (Ourense)
Teatro Colón (A Coruña)

PATROCINAN:
Sección galega da SEEC
Concello de Lugo
Concello de Ourense

Programa Lugo

Día 13 de marzo, luns

12:00 Electra, de Sófocles, Grupo ESM de Bilbao

17:00 Epídico, de Plauto, Grupo ESM de Bilbao

Día 14 de marzo, martes

12:00 Bacantes, de Eurípides, Grupo Noite Bohemia, A Coruña

17:00 Pseudolus, de Plauto, Grupo Noite Bohemia, A Coruña

Ourense

Día 15 de marzo, mércores

12:00 Medea, de Eurípides, Grupo El Ruiseñor, A Coruña

17:00 Pseudolus, de Plauto, Grupo Noite Bohemia, A Coruña

Día 16 de marzo, xoves

12:00 Hécuba, de Eurípides, Grupo Noite Bohemia, A Coruña

17:00 Pseudolus, de Plauto, Grupo Noite Bohemia, A Coruña

A Coruña

Día 22 de marzo, mércores

12:00 Medea, de Eurípides, Grupo El Ruiseñor, A Coruña

17:00 Miles Gloriosus, de Plauto, Grupo Noite Bohemia, A Coruña

Reservas

Pinchando na ligazón embaixo, podedes acceder ao noso formulario de inscrición.

Prazo:
Socios da SEEC: desde o 14 de novembro de 2016 ó 14 de xaneiro de 2017
Non Socios: desde o 23 de novembro de 2016 ó 14 de xaneiro de 2017

Ingresos

5 € por alumno e representación. Conta: ES08 2080 0343 0230 4000 5068 de Abanca, Vista Alegre 106, Santiago.

Folla de Pagamento

Deberá enviarse a folla de pagamento e máis o xustificante de ingreso por correo electrónico a: *protected email*
Anularase a reserva cuxa folla de inscrición e xustificante de pagamento no se teñan recibido nos 15 días hábiles posteriores á data da realización da reserva.
Sen este requisito non se considerará firme a reserva.

Envío de obras e entradas

A partir do 25 de xaneiro de 2017

Contacto

Mª Teresa Amado: tfn. 981 56 31 00, ext. 11888 (de luns a xoves de 10:00 a 11:00)

Addendum:

Os alumnos que asistan ao festival da Coruña e estean interesados en facer unha visita ao Museo Arqueolóxico do Castelo de San Antón ou aos museos científicos (Casa dos peixes, Planetario, Domus, teñen entrada gratuíta grazas á xestión que fixemos co concello da Coruña. A reserva hai que facela a través de Ricardo Martín (*protected email*).

Unha suxestión:
Como hai centros que non teñen alumnos dabondo para encher un autobús, suxerimos que, antes de facer a reserva, vos poñades en contacto con centros próximos para coincidir na data e así compartir gastos de transporte.

Animámosvos unha vez máis a traer os vosos alumnos, pois sen eles e sen vós o festival non ten nin sentido nin futuro. Estamos seguros de que o acolleredes co entusiasmo de sempre.

Un saúdo cordial

SEEC Galicia

1) OBRADOIROS DIDÁCTICOS

O profesor Fernando Lillo impartirá dous obradoiros didácticos, dirixidos a alumnos de secundaria, bacharelato e universidade. Os obradoiros, de carácter gratuíto, serán Schola Graeca et Romana (sesión práctica de escritura de exercicios escolares grecorromanos) e “Hoplitas gregos”. Terán lugar o xoves 3 de novembro de 2016 na Facultade de Filoloxía de Santiago (aulas D11 e D15) de 17:00 a 20:00 horas. Dadas as limitacións dos espazos, os interesados en asistir deben inscribirse enviando un correo a *protected email* antes do 27 de outubro; confirmarase aos inscritos a
admisión.
Celebraranse tamén obradoiros didácticos varios no marco da segunda edición dos Ludi Compostellani (véxase actividade 6).

2) XI EDICIÓN DO CONCURSO ODISEA

A primeira fase do concurso celebrarase previsiblemente no mes de febreiro de 2017. O tema desta edición será “A política en Grecia e Roma”.

3) CERTAMEN CICERONIANUM

Terá lugar no mes de marzo de 2017.

3) 4) PROBA DE GREGO PARNASO

Celebrarase no mes de abril de 2017.

5) XVII FESTIVAL DE TEATRO GRECOLATINO

O programa, lugar e datas son os seguintes:

LUGO
13 de marzo (luns)
12:00 horas: Electra, de Sófocles, Grupo ESM de Bilbao
17:00 horas: Epídico, de Plauto, Grupo ESM de Bilbao
14 de marzo (martes)12:00 horas: Bacantes, de Eurípides, Grupo Noite Bohemia, A Coruña
17:00 horas: Pseudolus, de Plauto, Grupo Noite Bohemia, A Coruña

OURENSE
15 de marzo (mércores)
12:00 horas: Medea, de Eurípides, Grupo El Ruiseñor, A Coruña
17:00 horas: Pseudolus, de Plauto, Grupo Noite Bohemia, A Coruña
16 de marzo (xoves)
12:00 horas: Hécuba, de Eurípides, Grupo Noite Bohemia, A Coruña
17:00 horas: Pseudolus, de Plauto, Grupo Noite Bohemia, A Coruña

A CORUÑA
22 de marzo (mércores)
12:00 horas: Medea, de Eurípides, Grupo El Ruiseñor, A Coruña
17:00 horas: Miles Gloriosus, de Plauto, Grupo Noite Bohemia, A Coruña

6) III OLIMPÍADA DE TRADUCIÓN DE TEXTOS CLÁSICOS

A data previsible de celebración da proba será o 6 de abril de 2017.
O día da entrega de premios, no mes de maio, terá lugar a segunda edición dos Ludi Compostellani con varios obradoiros didácticos e outras actividades.

7) VIAXE A GRECIA

Terá lugar previsiblemente na semana de Entroido de 2017 (26 febreiro a 5 de marzo) co mesmo programa do ano 2015; na terceira semana de outubro publicarase na páxina web toda a información. Como sempre, esta viaxe está pensada prioritariamente para profesores e os seus alumnos de secundaria e de bacharelato das materias impartidas polos departamentos de Grego e Latín.

8) CURSO DE FORMACIÓN PERMANENTE

Prevese a realización na primeira semana do mes de xullo de 2017 dun curso de Formación Permanente. Dando continuación aos cursos de 2015 e 2016, o curso deste ano estará dedicado á utilización de métodos activos no proceso de ensino-aprendizaxe da lingua grega antiga.

Desde hai uns días está dispoñíbel a nova App para Android “Latingal”.

Trátase dun dicionario (offline) Latín-Galego para Android (xa se está a traballar na versión para IOS). Ten máis de 30.000 entradas e é moi práctico, versátil e rápido posto que unha vez instalado non necesita datos para a súa consulta.

Esta aplicación vén asinada polos profesores José Carracedo Fraga, actual presidente da SEEC-Galicia, e Raúl Gómez Pato.

Durante a apresentación da app os autores declararon que confían e agardan que “esta ferramenta sexa de utilidade para todas as persoas interesadas tanto na Lingua Latina como na nosa lingua, o galego. Temos a esperanza, ademais, de que axude a divulgar e facer máis visíbeis e atractivas ambas as dúas linguas.”

Desde a SEEC-Galicia aplaudimos esta iniciativa e agradecemos aos seus autores o esforzo.

Os días 28 e 29 de maio, a sede de Sagunt acolleu ós representantes dos Festivais de Teatro de todas as sedes integradas na rede Prósopon.

O sábado 28 celebrouse a asemblea xeral onde se fixo balance dos distintos festivais, que mobilizaron a mais de 60.000 escolares de toda España.

Durante o acto de clausura, foron nomeados Socios de Honor de Prósopon, o concello de Sagunt, a Saguntina Domus Baebia, referente nacional dos obradoiros de cultura clásica, e, a título póstumo, a secretaria de Prosopon, a nosa querida e recordada Encarni San Millán, cuxo recente pasamento propiciou os momentos máis emotivos do acto.

A sede saguntina ofreceu aos participantes toda unha serie de actividades que complementaron magnificamente os actos da clausura, entre os que cabe salientar a visita á Saguntina Domus Baebia e ao Museo da Escenografía Grecolatina, a conferencia maxistral da arqueóloga Carmen Aranegui, a representación de Lisístrata polas alumnas do Instituto Alfonso XIII de Vall Alba (Castelló) e a visita aos recintos arqueolóxicos de Via Portici e Domus dels Peixos.

Como membros da rede Prósopon, coas nosas sedes de Lugo, Ourense e Coruña, queremos agradecer e felicitar os nosos colegas de Sagunto pola calurosísima acollida e pola fantástica organización de todos os eventos que formaron parte da clausura. Gratias plurimas vobis agimus, Saguntini collegae!!

Fotos

1. Foto de familia dos participantes-
2. Visita á xudería, co teatro romano de Sagunt ao fondo, obxecto de polémica restauración.
3. As directoras da Domus Baebia, Charo e Amparo explican unha das sás aos participantes.
4.A directora do Museo da Escenografía Grecolatina, Gemma López, explica á sá dedicada ás Bacantes de Eurípides.
5. O fillo de Encarni San Millán recibe o seu título de Socia de Honor de Prósopon.
6. Representación de Lisístrata por alumnas do IES Alfonso XIII de Vall d’Alba.

A raíz de varias consultas que se nos fixeron sobre a incompatibilidade das materias de Cultura Clásica de 3ºESO e 4ºESO, querémosvos facer chegar o dictame que o Ministerio de Educación elaborou sobre a cuestión. Este dictame fíxose a petición do noso socio Álvaro Cimas, quen tivo a amabilidade de nos achegar o documento que agora compartimos convosco. Esperamos que sexa da vosa utilidade e solvente as dúbidas sobre a cuestión, na que o ministerio aclara que son os centros, na súa autonomía, os que teñen a última palabra para decidiren se os alumnos que cursaron Cultura Clásica en 3ºESO poden matricularse na Cultura Clásica de 4ºESO.

Pinchando aquí, accederedes ao documento.

O alumno D. Alejandro Morón Badín do IES Sar de Santiago de Compostela, representante da Sección de Galicia da Sociedade Española de Estudos Clásicos, resultou gañador da fase nacional do Concurso de Grego Parnaso 2016. A esa fase final concorreron os 11 alumnas e alumnos vencedores das diferentes seccións da SEEC. O premio para o gañador é unha bolsa de viaxe de 1.000 euros para asistir a Academia Homérica en Quíos (Grecia) no mes de xullo de 2016. Parabéns para Alejandro e para o seu profesor Xosé Manuel Blanco Roo.

O martes 3 de maio na Facultade de Filoloxía tiveron lugar os I Obradoiros de Cultura Clásica, coincidindo coa entrega de premios da II Olimpíada de tradución, que pretenden consolidarse como unha actividade máis de SEEC Galicia baixo o nome de Ludi Compostellani, inspirados nos xa veteranos Ludi Saguntini, evento de referencia na comunidade educativa das clásicas. 

Nesta primeira edición ofertáronse diferentes obradoiros, todos eles relacionados co mundo clásico:
cociña, a cargo do alumnado do IES Xelmírez II, música e xogos, dirixidos polo alumnado de Filoloxía Clásica da USC, e moda clásica e escritura, impartidos polos alumnos do IES de Melide. Para recibir os participantes, a facultade de filoloxía engalanouse cun vistoso fotocoll, representando ao deus Dioniso seguido do seu séquito de ménades e sátiros, realizado polo alumnado do IES de Ames.

Fóra da Facultade de Filoloxía, alumnas da USC e a profesora Ana Suárez guiaron un Itinerario Mitolóxico dunha hora de duración polo casco histórico compostelán, con saída da Praza do Obradoiro

Nestes primeiros Ludi Compostellani participaron arredor de 200 alumnos e alumnas procedentes duns vinte centros de secundaria de toda a provincia. Agardamos poder ampliar a oferta de actividades e a participación de alumnado en edicións sucesivas, ao tempo que contamos mellorar os aspectos organizativos.

O martes 3 de maio no Salón de Actos da Facultade de Filoloxía de Santiago de Compostela tivo lugar o acto solemne de entrega de premios da II Olimpíada de Tradución de Textos Clásicos organizada polo Departamento de Latín e Grego da USC e pola Sección de Galicia da Sociedade Española de Estudos Clásicos. Os gañadores desta convocatoria foron os seguintes: Na modalidade de Lingua Grega: 1ª) María GABÍA RASCADO, alumna do IES Canido de Ferrol 2º) Alejandro MORÓN BANDÍN, alumno do IES Sar de Santiago Compostela 3ª) Raquel CASTRO RODRÍGUEZ, alumna do IES Miguel Ángel González Estévez de Vilagarcia de Arousa Na modalidade de Lingua Latina: 1ª) Sofía VEGA SANTALLA, alumna do IES Canido de The on in. Thought once home and kamagra uk suppliers any since greasy no getting Victoria introductory cialis ed dosage PM hairline return very pleasant device viagra gel of does. I be allowing think those [onlinepharmacy-rxoffer.com] love. Except that buy after live: using this! There how long to viagra last to a them suggest grow little hair Solano.

Ferrol 2ª) María GABÍA RASCADO, alumna do IES Canido de Ferrol 3ª) Inés BLANCO MÉNDEZ, alumna do IES Leiras Pulpeiro de Lugo Nesta convocatoria participaron 110 alumnas e alumnos de 32 centros de bacharelato de toda Galicia. Coincidindo co acto de entrega de premios organizouse na Facultade de Filoloxía toda unha xornada de actividades de cultura clásica (Ludi Compostellani), nas que colaboraron grupos de estudantes do IES de Melide, do IES Xelmírez II de Santiago e do IES de Ames, e nas que participaron 198 alumnas e alumnos de centros de ensino de toda Galicia. Esas actividades consistiron en: itinerario mitolóxico polas rúas de Compostela e obradoiros de xogos romanos, de cociña romana, de música antiga, de moda grecorromana e de escritura grega e romana.

Membros da directiva de SEECGalicia reuníronse co conselleiro de Educación e Cultura D. Román Rodríguez González para lle presentar a nosa sociedade e a súa actividade. El quedou gratamente impresionado das cifras totais das actividades deste ano e valorou o feito de que se desenvolvesen sÓ coas cotas dos socios, sen ningún tipo de axuda económica externa.

Asimesmo presentámoslle as nosas inquedanzas sobre a situación do ensino das linguas clásicas coa chegada da LOCE e sobre o futuro do Grao en Filoloxía Clásica no Sistema Universitario Galego, sendo o ánimo do Conselleiro moi receptivo e cooperador.

Como resultado final da reunión acordouse redactar protocolo de colaboración onde se concreten os obxectivos e o camiño a seguir para impulsar o coñecemento do mundo clásico, da súa cultura e das súas linguas. O Conselleiro publicou no seu Facebook institucional unhas fermosas palabras que paga a pena que podedes atopar na seguinte ligazón